Nordenergi

 
Raforkusamtök Norðurlanda hafa stofnað samtökin Nordenergi.
Á fundi formanna og framkvæmdastjóra rafveitusambanda Norðurlanda, sem haldinn var í  Ósló þann 26. sept. s.l. var ákveðið að stofna sameiginlegan vettvang fyrir raforkugeirann. Aðdragandi er nokkuð langur og má segja að þetta mál hafi verið til umræðu öðru hvoru seinasta áratuginn. Samböndin hafa fundið til þess að sameiginleg rödd raforkufyrirtækja væri máttlítil og heyrðist vart í umræðunni um sameiginlegan raforkumarkað í Evrópu.
Nordenergi mun taka yfir samstarf rafveitusambandanna sem verið hefur óformlegt fram að þessu. Að formi til er Nordenergi byggt á samskonar skipulagi Nordvarme, sem er samstarfsvettvangur norrænu hitaveitusamtakanna. Formennska og framkvæmdastjórn mun flytjast milli aðildarlandanna með tveggja ára millibili. Fyrstu tvö árin mun forsvarið vera á höndum Svía.
 Á fundinum var sent bréf til orkuráðherrum Norðurlanda, sem héldu samráðsfund 30. sept. Í bréfinu var gerð grein fyrir stofnun Nordenergi og óskað eftir samstarfi við að leita lausna til aukins öryggis raforkuflutningskerfisins á Norðurlöndum.

Fimmtudaginn 18. september var ákveðið að fjárfesta í að ljúka við verkið og tengja jarðhita frá borholu inn á hitaveitukerfi í nágrenni Amagerværket.  Í sumar voru boraðar tilraunaholur á 2,5 km dýpt sem gáfu góðan árangur.

Það eru fyrirtækin Dong, Energi E2, Köbenhavns Energi, Vestegnens Kraftvarmeselskab VEKS og Centralkommunernes Transmissionsselskab. Stofnkostnaður er 120 milljónir danskra króna.  Ein önnur hitaveita í Danmörku nýtir jarðhita og hefur gert síðastliðin 12 ár.  Það er hitaveitna í Thisted. Orkuyfirvöld  í Danmörku áæltað að a.m.k. 12 bæir hafi möguleika á jarðvarmaveitu, þar á meðal Álaborg, Hróarskelda, Hillerröd og Skive.

Heimild: Ingenören 22.9. 

Sjá nánar á heimasíðu DONG

Öryggishandbókin er byggð á hefti sem Orkuveita Reykjavíkur hefur notað í nokkur ár. Bókin er endurskoðuð og unnin af SÖR-hópi Samorku og yfirlesin af Vinnueftirlitinu. Hún er kynnt hér á heimasíðunni með það fyrir augum að þau fyrirtæki sem hafa hug á að nota  hana sem hluta af sínu öryggiskerfi geta fengið hana senda frá skrifstofu Samorku á þannig formi að viðkomandi getur breytt henni og aðlagað hana sínum sérstöku þörfum.

Skoða Öryggishandbók:

Allar frekari upplýsingar veitir Sigurður Ágústsson

mailto:sa@samorka.is

Samstarfsamningur milli Statnett og National Grid Transco um verkefnið gerir ráð fyrir að strengurinn verði tekinn í notkun snemma árs 2008.

Aðal ástæður verkefnisins eru hinar miklu úrkomusveiflur sem verið hafa undanfarin ár í Noregi og leitt hafa til óöryggis og verðsveiflna á  orkumarkaðnum, segir stjórnarformaður Statnett Grete Faremo.

Ekki er gert ráð fyrir að kapallinn leiði til lægra raforkuverðs í landinu, en hann mun minnka þær miklu verðsveiflur sem sett hafa mark sitt á raforkuverðin undanfarin ár.

Kapallinn mun liggja frá Suldal í Rogalandi til Sunderland í Englandi og er gert ráð fyrir að yfir 400 manns þurfi til starfa við verkefnið.

Endanleg ákvörðun hefur þó ekki verið tekin, en líkur eru á að tilskilin leyfi fáist. Reiknað er með 1200 MW flutningi eftir köplunum sem verða tveir og er vegalengdin 750 Km.

(Frétt úr Energi-nett)

Fagfundur hita- og vatnsveitna var haldinn á Hótel Selfossi. Þátttakendur voru alls um 120. Fundað var frá hádegi á föstudegi og fram yfir hádegi á laugardegi. Farið verður í skoðunarferðir bæði til Set ehf og til Ræktunarsambands Flóa og Skeiða. Fundurinn endaði á  veituballi á laugardagskvöldið.

DAGSKRÁ

SKRÁNING

TILKYNNING: odda@samorka.is

 

Það var MM-hópur Samorku sem boðaði til þessarar námstefnu í stjórnstöð Landsvirkjunar við Bústaðaveg um mælingar og meðhöndlun mæligagna í markaðsvæddu orkusölukerfi Noregs og fékk til lið við sig fyrirtækið POWEL í Noregi. Norðmennirnir  gerðu grein fyrir framgangi markaðsvæðingarinnar í sínu landi, útskýrðu hugmyndafræðina og vörpuðu ljósi á  þau mörgu verkefni sem fylgja í kjölfar þeirra breytinga sem íslenskur orkumarkaður þarf að aðlaga sig að, nú eftir að ný raforkulög hafa tekið gildi. Þeir kynntu einnig þær tæknilegu lausnir sem fyrirtækið hefur þróað og ýmis orkufyrirtæki í Noregi og fleiri löndum nota.

Síðari dag námsstefnunnar  kynntu  þeir einnig NetBas-upplýsingakerfið sem þeir hafa framleitt, en Rarik er einmitt um þessar mundir að taka upp endurnýjaða útgáfu þess fjölhæfa verkfæris, eftir að hafa notað eldri útgáfu þess til fjölda ára.

Eiríkur Bogason framkvæmdastjóri Samorku  setti ráðstefnuna, sem fór fram á enskri tungu. Ráðstefnustjóri var Steinar Friðgeirsson formaður MM-hóps Samorku. Fyrirlesarar voru 4 Norðmenn, auk Steingríms Jónssonar verkfræðings hjá Rarik sem sagði frá vinnu sinni við að taka í notkun nýja NetBas kerfið.

Þátttakendur á námsstefnunni  voru 53 og var  þátttakendum að kostnaðarlausu, en bæði húsnæði, matur og kaffi var  í boði Landsvirkjunar og eru aðstandendur námsstefnunnar þakklátir fyrir þann rausnarskap.

 

 

 

DAGSKRÁ

DAGSKRÁ Á ENSKU

MYNDIR   FRÁ  NÁMSSTEFNUNNI

Heimasíða POWEL

Á síðasta degi nýliðins þings voru samþykkt ný raforkulög. Lög þessi hafa verið nokkuð lengi í undirbúningi, að heita má frá áttunda áratug síðustu aldar. Lagagerðin átti nokkuð erfitt uppdráttar vegna áætlana um breytingar á skipulagi íslenskra orkumála.
Á seinustu áratugum hafa reglulega komið fram áætlanir um endurskipulagningu íslenska orkugeirans. Flestar hafa þessar hugmyndir gengið út á að skipta landinu eftir gömlu kjördamamörkunum og stofna landshlutarafveitur. Vendipúnktur í raforkulagagerðinni var þegar Evrópusambandið (ESB) kom á innri markaði með raforku í aðildarlöndum sínum. Ísland er aðili að Evrópska efnahagssvæðinu (EES). Sá samningur fjallar um aðgang aðildarlanda EFTA ríkjanna að innri markaði ESB. Samkvæmt EES samningnum eiga allar tilskipanir ESB að gilda í aðildarlöndum EES samningsins. Eftir endurskoðun og umtalsverðar breytingar var frumvarpið lagt fram í mars 2001. Ekki náði það fram að ganga á því þingi og var lagt fram að nýju eftir nokkrar breytingar um haustið sama ár. Enn gekk fæðingin erfiðlega og í mars 2002 var það aftur lagt fram eftir breytingar og á endanum var það síðan samþykkt 15. mars 2003.

Raforkulög (doc): Raforkulög

Raforkulög (pdf): Raforkulög

Skorsteinar Stenungslund olíuorkuversins sótaðir að nýju?

Ein af tillögum stjórnvalda í Svíþjóð svo að unnt sé að standa við gefin loforð um lokun Barsebeck 2 er að tæplega hálfrar aldar gamalt olíuorkuver í Stenungslund verði ræst að nýju.
Orkuverið sem er 820 MW er sprengt inn í klettana svo ekkert er sýnilegt umhverfinu annað en skorsteinarnir. Erfiðlega hefur gengið að fullnægja þeim forsendum sem settar voru fyrir lokuninni m.a. hefur ekki tekist að tryggja viðunandi varaafl. Á það hefur verið bent af Svensk energi að verði Barsebek 2 lokað við núverandi aðstæður muni það hafa þær afleiðingar að raforkuverð hækkar, sé varaaflið ekki tryggt eða þá víðtæk umhverfisáhrif sem eru samfara framleiðslu með jarðefnaeldsneyti.