2. júní 2023 Styrkir til jarðhitaleitar Ákveðið hefur verið að ráðast í átak í jarðhitaleit og frekari nýtingu jarðhita til húshitunar á svæðum þar sem nú er notuð raforka og/eða olía til húshitunar. Átakinu er ætlað að styðja viðloftslagsmarkmið ríkisstjórnarinnar, sem og markmið í orkumálum í fjármálaáætlun 2024-2028; um tryggt orkuöryggi fyrir alla landsmenn, aukið hlutfall endurnýjanlegra orkugjafa íorkubúskap Íslands og jöfnun orkukostnaðar á landsvísu. Átakið miðar að því að veita stuðning við verkefni sem hafa það að markmiði að hefja nýtingujarðhita til almennrar húshitunar, á svæðum þar sem nú er notuð raforka og/eða olía tilhúshitunar. Einkum er horft til svæða þar sem vísbendingar eru um að finna megi heitt vatnsem nýta megi beint inn á hitaveitu eða volgt vatn í nægilegu magni sem nýta megi á miðlægavarmadælu á svæðum þar sem innviðir fyrir veitu eru þegar til staðar. Áhersla er lögð á að styrkja verkefni þar sem nokkur þekking á jarðhita viðkomandi svæðis erfyrir hendi og snúa þá að því að hefja nýtingu eða frekari rannsóknum með vísan í fyrriniðurstöður. Umsóknafrestur er til 3. júlí 2023. Til ráðstöfunar eru 450 m.kr. Orkusjóði hefur verið falin umsjón með auglýsingu og umsýslu styrkjanna. Umsóknir skulusendar til Orkusjóðs í gegnum þjónustugátt Orkustofnunar: https://gattin.os.is Hér má finna reglur um Jarðhitaleitarstyrki
2. júní 2023 Agnes Ástvaldsdóttir ráðin verkefnastjóri faghópa Agnes Ástvaldsdóttir hefur verið ráðin verkefnastjóri faghópa hjá Samorku, samtaka orku- og veitufyrirtækja. Agnes hefur frá 2017 starfað sem verkefnastjóri þróunar og nýsköpunarverkefna í þróunardeild Össur. Þar áður vann hún í fimm ár sem verkefnastjóri fjárfestingaverkefna hjá Norðuráli og á framkvæmdasviði Ljósleiðarans. Agnes hefur yfir 10 ára reynslu sem verkefnastjóri og er með IPMA vottun í verkefnastjórnun. Hún er MSc. gráðu í Nýsköpunarverkfræði frá Technical University of Denmark (DTU) og leggur stund á EMBA við Háskólann í Reykjavík. Agnes hóf störf 1. júní.
31. maí 2023 Hugum að hitaveitunni til framtíðar Podcast: Play in new window | Download (Duration: 27:42 — 34.1MB)Subscribe: Apple Podcasts | Spotify | Android | RSS | More Auður Agla Óladóttir, jarðfræðingur, er ein skýrsluhöfunda um stöðu hitaveitna á Íslandi sem unnin var af ÍSOR fyrir umhverfis-, orku- og loftslagsráðuneytið. Hún lendir sífellt oftar í því að fólk vill spjalla við hana um hitaveitur á hliðarlínunni á fótboltamótunum í kjölfar skerðinga á heitu vatni í vetur. Mögulega hafi fólk verið vakið til umhugsunar um að jarðhitaauðlindin er ekki sjálfgefin. Auður Agla er talskona hitaveitunnar fram í fingurgóma og ræðir hér niðurstöður skýrslunnar og alls konar annað er viðkemur jarðhitaauðlindinni.
11. maí 2023 Lið RARIK Fagmeistari Samorku 2023 Lið RARIK varð hlutskarpast í veitukeppninni 2023 sem haldin var á Selfossi í tengslum við Fagþing hita-, vatns- og fráveitna. Lið RARIK fagnar sigri. Alls kepptu sex lið frá jafnmörgum veitum í stórskemmtilegum þrautum þar sem reyndi bæði á fagleg og skjót vinnubrögð. Greinarnar voru gott bland af faglegum keppnisgreinum og greinum þar sem bolta- og stígvélaleikni voru í aðalhlutverki. Keppnin var hluti af framkvæmda- og tæknideginum sem er fyrsti dagur Fagþings Samorku og tileinkaður fag- og framlínufólki í orku- og veitugeiranum. Fleiri myndir frá deginum má sjá á Facebooksíðu Samorku.
25. apríl 2023 Skráning á Fagþing í fullum gangi Fagþing hita-, vatns- og fráveitna verður haldið á Hótel Selfossi dagana 4.-5. maí. Á dagskrá eru metnaðarfull erindi um allt sem efst er á baugi í veitumálum frá sérfræðingum í hita-, vatns- og fráveitu auk annarra sem að málaflokknum koma. Miðvikudaginn 3. maí er verður Framkvæmda- og tæknidagurinn haldinn í þriðja sinn. Dagurinn er sérstaklega ætlaður fagfólki í framkvæmdum og má búast við skemmtilegum degi með blöndu af fyrirlestrum og keppni í hinum ýmsu veitutengdu greinum þar sem eitt lið stendur uppi sem Fagmeistari Samorku 2023. 16 fyrirtæki taka þátt í vöru- og þjónustusýningu á þinginu og að auki verður hátíðarkvöldverður og skemmtun. Skráning á þingið stendur yfir út þessa viku. Nafn Fyrirtæki Netfang (required) Vinsamlegast hakið í þá liði sem þið hyggist taka þátt í: Ég mæti á Fagþing 2023 4.-5. maí - 49.900 kr. Ég mæti á Framkvæmda- og tæknidaginn 3. maí (ætlað starfsfólki veitu- og orkufyrirtækja) – 12.900 kr. Ég mæti á hátíðarkvöldverð og skemmtun 4. maí – 15.900 kr. Ég vil grænkeramatseðil. Hátíðarkvöldverður og skemmtun fyrir maka/gest – 15.900 kr. Maki/gestur vill grænkeramatseðil. Ég mæti í skemmti- og vísindaferð (skráning nauðsynleg til að áætla sæti í rútu). Δ
30. mars 2023 Umbylting orku- og veitukerfa framundan Podcast: Play in new window | Download (Duration: 32:37 — 40.0MB)Subscribe: Apple Podcasts | Spotify | Android | RSS | More Orkuskiptin framundan skapa fjölmörg tækifæri fyrir íslenskt samfélag, en um leið eru þau ákaflega krefjandi verkefni. Að afla nægrar orku sem á að koma í stað jarðefnaeldsneytis er út af fyrir sig stórt verkefni en það er ekki síður stórt fyrir flutnings- og dreifikerfi raforku í landinu. Styrkja þarf kerfin umtalsvert til að mæta því stóraukna álagi sem fylgir aukinni rafvæðingu samfélagsins og sú uppbygging er mjög dýr. Í þættinum förum við yfir af hverju þetta er svona flókið verkefni fyrir flutnings- og dreififyrirtæki raforku og heyrum niðurstöður frumgreiningar Samorku á afl- og fjárfestingarþörf fyrir orkuskiptin. Viðmælendur þáttarins eru Hlín Benediktsdóttir, yfirmaður undirbúnings framkvæmda hjá Landsneti, Kjartan Rolf Árnason, deildarstjóri kerfisstýringar hjá RARIK og Almar Barja, fagsviðsstjóri Samorku.
28. mars 2023 Ársskýrsla 2022 Ársskýrsla Samorku kom út þann 15. mars. Þar má finna umfjöllun um það helsta úr starfi Samorku starfsárið 2022. Ársskýrslan er rafræn og má finna á eftirfarandi hlekk: https://arsskyrsla2022.samorka.is/
15. mars 2023 Kristín Linda nýr stjórnarformaður Kristín Linda Árnadóttir, aðstoðarforstjóri Landsvirkjunar, var í dag kjörin stjórnarformaður Samorku, samtaka orku- og veitufyrirtækja. Hún tekur við af Berglindi Rán Ólafsdóttur, framkvæmdastýru Orku náttúrunnar. Þrjú ný taka sæti í stjórn Samorku; Björk Þórarinsdóttir, framkvæmdastjóri fjármála, hjá HS Orku, Páll Erland, forstjóri HS Veitna, og Magnús Kristjánsson, framkvæmdastjóri Orkusölunnar. Í stjórn Samorku sitja jafnframt áfram þau Hrefna Hallgrímsdóttir, forstöðumaður hitaveitu hjá Veitum, Sigurður Þór Haraldsson, veitustjóri Selfossveitna, og Steinn Leó Sigurðsson, sviðstjóri Veitu- og framkvæmdasviðs hjá Skagafjarðarveitum. Þá voru þau Eyþór Björnsson, forstjóri Norðurorku, og Harpa Pétursdóttir, stjórnandi málefna haghafa og stjórnsýslu hjá Orku náttúrunnar, kjörin varamenn í fyrsta sinn. Fyrir eru Aðalsteinn Þórhallsson, Jón Trausti Kárason, forstöðumaður vatns- og fráveitu hjá Veitum og Hörður Arnarson, forstjóri Landsvirkjunar, varamenn í stjórn. Stjórn Samorku er því þannig skipuð að loknum aðalfundi 2023: Aðalmenn: Kristín Linda Árnadóttir, formaður stjórnar Björk Þórarinsdóttir, HS Orku Páll Erland, HS Veitum Magnús Kristjánsson, Orkusölunni Steinn Leó Sveinsson, Skagafjarðarveitum Sigurður Þór Haraldsson, Selfossveitum Hrefna Hallgrímsdóttir, Veitum Varamenn: Aðalsteinn Þórhallsson, HEF Eyþór Björnsson, Norðurorka Harpa Pétursdóttir, Orka náttúrunnar Jón Trausti Kárason, Veitum Hörður Arnarson, Landsvirkjun
15. febrúar 2023 Sveitastelpan sem knýr framtíð loftslagsmála Podcast: Play in new window | Download (Duration: 37:17 — 46.0MB)Subscribe: Apple Podcasts | Spotify | Android | RSS | More Hér á landi er gróska fyrirtækja sem vinnur að orku- og veitutengdri nýsköpun og eitt þeirra er Alor, handhafi Nýsköpunarverðlauna Samorku árið 2022, sem vinnur að þróun nýrrar tegundar rafhlaðna. Eftirspurn eftir rafhlöðum mun margfaldast á næstu árum, en gallinn er sá að þær sem við þekkjum í dag eru ekkert sérstaklega umhverfisvænar. Alor ætlar sér að breyta því. Framkvæmdastýra Alor er Linda Fanney Valgeirsdóttir, menntaður lögfræðingur með nýsköpunarblóð í æðum sem nýlega lenti á lista StartUp Basecamp yfir konur sem knýja framtíð loftslagsmála í heiminum. Í þætti dagsins ætlum við að kynnast henni aðeins betur og heyra meira um umhverfisvænu og sjálfbæru rafhlöðurnar sem fyrirtækið vinnur að. Lovísa Árnadóttir, þáttastjórnandi og Linda Fanney Valgeirsdóttir, framkvæmdastýra Alor.
14. febrúar 2023 Orkuveita Reykjavíkur hlaut Menntasprotann 2023 Menntaverðlaun atvinnulífsins voru veitt í dag fyrirtækjum sem skara fram úr í fræðslu- og menntamálum. Bláa lónið er Menntafyrirtæki ársins og Vaxtarsprotar OR hljóta Menntasprotann 2023. Guðni Th. Jóhannesson, forseti Íslands og Anna Hrefna Ingimundardóttir, aðstoðarframkvæmdastjóri SA afhentu verðlaunin á Menntadegi atvinnulífsins sem fram fór í Hörpu í dag. Vaxtasprotar OR hljóta Menntasprotann 2023 Fulltrúar OR taka við Menntasprotanum í Hörpu í dag. Orkuveita Reykjavíkur hlaut í morgun Menntasprotann árið 2023 fyrir verkefnið „vaxtarsprotar“ – leiðtogaþjálfun. Verkefnið er nýtt hjá OR og öllum dótturfélögum fyrirtækisins með það að markmiði að þróa vinnustaðina og breytta menningu til þess að takast betur á við síbreytilegt umhverfi og auknar kröfur og væntingar viðskiptavina. Dótturfyrirtæki OR eru afar fjölbreytt en eiga það sameiginlegt að vera innviðafyrirtæki með einum eða öðrum hætti. Þar er bæði verið að framleiða og selja orku, reka margar af mikilvægustu auðlindum landsins, byggju upp fjarskiptainnviði en einnig er lögð mikil áhersla á rannsóknir og nýsköpun á fjölbreyttum sviðum t.d. á sviði kolefnisföngunar og förgunar. Eitt af markmiðunum er að nýta leiðtoga þvert á verkefni og vinnustöðvar sem hluta af lærdómsferli leiðtogans en um leið kynna vaxtarsprotana úti í fyrirtækjunum. „Í nútíma samfélagi þar sem sífelldar breytingar eru veruleikinn er mikilvægt að vinna að stöðugri nýsköpun og framþróun í þjónustu við viðskiptavini. Með verkefninu „vaxtarsprotar“ setti OR á dagskrá þjálfun starfsfólks í nýrri færni og vexti þar sem sveigjanleiki er aukinn og hraðar er hægt að bregðast við áskorunum, óvæntum uppákomum en síðast en ekki síst nýjum tækifærum.“ segir Ellen Ýr Aðalsteinsdóttir mannauðsstýra OR. Skapar virði fyrir vinnustaðinn Með vaxtarsprotanum fær starfsfólk tækifæri til þess að fá þjálfun til að draga fram sterkan umbótavilja og verkfæri til að hjálpa öðrum að vaxa og takast á við breytingar þar sem samskiptatæknin er lykill að árangri. Mikil ásókn er hjá starfsfólki að komast í þessa þjálfun sem stendur samanlagt í níu mánuði. OR leggur áhersla á að þjálfunin sé tengd við raunveruleg verkefni (e. learn by doing) og hefur þetta þjálfunarprógram hitt í mark og umsækjendur skipta tugum. „Ferðalagið var ótrúlegt og lærdómskúrfan mín rauk upp í veldisvexti. Bæði lærði ég mikið inn á sjálfa mig og hvernig er árangursríkast að vinna með mig og annað fólk í kringum mig en ekki síst hvernig ég get skapað meira virði fyrir vinnustaðinn minn“. Svona lýsir einn leiðtoginn sínu ferðalagi og árangrinum af þessu skemmtilega og spennandi verkefni. Verkefni sem byggir á framsýni, forvitni og tileinkun nýrra aðferða og tækni. Verðlaunin voru veitt af forseta Íslands, Guðna Th. Jóhannessyni á Menntadegi atvinnulífsins í Hörpu í dag. Dagurinn er samstarfsverkefni Samtaka atvinnulífsins og aðildarsamtaka þvert á atvinnugreinar og var haldinn í tíunda sinn í ár. Menntaverðlaunin eru valin af dómnefnd úr fjölda tilnefninga og veitt þeim fyrirtækjum sem þykja skara fram úr á sviði fræðslu- og menntamála. Yfirskrift menntadagsins að þessu sinni var Færniþörf á vinnumarkaði og hér má horfa á fundinn á upptöku. Bláa lónið er Menntafyrirtæki ársins.
