Samorkuþing 2025 Samorkuþing verður haldið í Hofi á Akureyri dagana 22. – 23. maí 2025. Samorkuþing er stærsta fagráðstefna landsins í orku- og veitutengdri starfsemi og er haldið á þriggja ára fresti á Akureyri. Vegleg vöru- og þjónustusýning er hluti af þinginu og eru básarnir þegar uppseldir. Hátíðarkvöldverður og skemmtun fer fram í Íþróttahúsinu. Um 500 manns tóku þátt í síðasta Samorkuþingi og er gert ráð fyrir álíka aðsókn að minnsta kosti. Heimasíða Samorkuþings hefur verið opnuð. Dagskrá þingsins má finna hér. Skráning á þingið stendur yfir og lýkur 12. maí. Eftir þann tíma er ekki hægt að tryggja nafnspjöld fyrir gesti, en hægt verður að fylla út spjöld á staðnum. Vinsamlegast fyllið út formið hér fyrir neðan. SÝNENDUR ATHUGIÐ: Hlekkur á skráningu verður sendur til ykkar á tölvupósti. Icelandair er með hefðbundið áætlunarflug á milli Reykjavíkur og Akureyrar en hefur bætt við aukavélum frá Reykjavík að morgni 22. maí og tilbaka frá Akureyri síðdegis 23. maí, en þau eru fullbókuð að svo stöddu. Við látum vita ef fleiri vélum verður bætt við. Rútuferðir verða frá flugvelli til Hofs og svo tilbaka síðdegis á föstudegi á flugvöllinn frá Hofi í eftirtalin flug. Samorka sér ekki um ferðir til og frá flugvelli sem koma/fara á öðrum tímum. Til Akureyrar á fimmtudegi: FI30 (hér verður einnig boðið upp á far með rútu á hótel til að losa sig við töskur, þar sem vélin lendir snemma á Akureyri)FI32FI34FI38 Frá Akureyri á föstudegi: FI47FI45FI39FI49 Einnig verður boðið upp á rútuferðir til og frá hátíðarkvöldverði á fimmtudagskvöldi. Rútur fara frá Hofi og hótelum í tæka tíð fyrir hátíðarkvöldverð og tilbaka frá Íþróttahöllinni kl. 23.30. Samorka sér ekki um far til og frá hótelum á öðrum tímum en því sem talið er upp hér fyrir ofan. Samorka tók frá um 280 hótelherbergi á Akureyri frá fimmtudegi til föstudags og mun leitast við að taka fleiri frá. Hér eru frekari upplýsingar um hvernig best er að bóka og verða þessar upplýsingar uppfærðar eftir því sem við á: FULLBÓKAÐ Berjaya hótel (áður Icelandair hótel): Senda tölvupóst á sales@icehotels.is og vísa í bókunarnúmer 2228195. Samorka á allt hótelið frátekið eða 99 herbergi. Best er að fá upplýsingar um verð hjá hótelinu sjálfu. FULLBÓKAÐ Hótel KEA: Senda tölvupóst á sales@keahotels.is og vísa í bókunarnúmer 56001202. Samorkuþingsgestir eiga 80 herbergi af mismunandi stærðum. Single standard: 25.000 með morgunmatStandard: 35.000 með morgunmatStandard Twin: 35.000 með morgunmatPlus: 35.000 með morgunmatSuperior: 42.000 með morgunmatTriple: 45.000 með morgunmatDeluxe: 45.000 með morgunmat FULLBÓKAÐ Í GAMLA OG NÝJA HLUTANN Hótel Akureyri: Senda tölvupóst á hotelakureyri@hotelakureyri.is og taka fram að bókunin sé vegna Samorkuþings 2025. Samorka á frátekin 25 herbergi á Skjaldborg í innbænum og í Dynheimum og möguleiki er á að bóka fleiri herbergi. Hótel Akureyri er að byggja við og nýi hlutinn verður tekinn í notkun í maí 2025. Áhugasamir geta haft samband og tekið frá herbergi þar gegn því að greiða 20% staðfestingargjald. Skjaldborg: – Standard double 19.000 með morgunmat– Ocean view double 22.000 með morgunmat– Superior ocean view double 26.000 með morgumat Dynheimar: – Single: 17.000 með morgunmat– Double: 22.000 með morgunmat FULLBÓKAÐ Hótel Kjarnalundur: Senda tölvupóst á info@kjarnalundur.is og tilgreina „Samorkuþing 2025 blokkbókun“ í bókun. Samorka á frátekin 28 tveggja manna herbergi og 10 einstaklingsherbergi, öll með morgunmat inniföldum. Einstaklingsherbergi: 24.500 með morgunmatTveggja manna herbergi: 32.000 með morgunmat FULLBÓKAÐ Hótel Norðurland: Senda tölvupóst á booking@hotel-nordurland.is og taka fram að bókunin sé vegna Samorku/Samorkuþings. Samorka á frátekin 15 tveggja manna herbergi og fimm einstaklings, en á biðlista eftir fleiri lausum herbergjum svo það gæti bæst við. Sæluhús: Hafa samband á saeluhus@saeluhus.is og vísa í bókunarnúmer 50471897. Samorka á frátekin 10 hús með heitum potti, 10 íbúðir án heita potts og þrjú einbýlishús sem taka allt að sjö manns. Íbúðirnar kosta 25.900 á nótt. Hafdals hótel: Er staðsett í Eyjafjarðarsveit aðeins í 7 mín. akstursfjarlægð frá miðbæ Akureyrar. Á hótelinu eru átta rúmgóð herbergi með verönd/svölum þar sem hægt er að njóta útsýnis yfir fjöllin, hafið og Akureyri. Morgunverðarhlaðborð er á hverjum degi. Best og ódýrast er að bóka beint í gegnum heimasíðuna, hafdals.is. Viking cottages: Fyrir þau sem ætla að dvelja lengur en eina nótt, er Viking cottages góður kostur. Um er að ræða lítil og notaleg hús í Vaðlaheiði beint á móti Akureyri með glæsilegu útsýni yfir bæinn og Eyjafjörð. Aðeins eru um 7 mínútur að keyra í miðbæ Akureyrar. Best og ódýrast er að bóka beint af heimasíðunni, vikingcottages.is og athugið að lágmarksdvöl eru tvær nætur.
Skattar og orkuvinnsla Samorka býður til opins fundar um skattamál orkugeirans. Fjallað verður um skattatillögur starfshóps stjórnvalda sem nú eru í úrvinnslu í fjármálaráðuneytinu. Þá verður fjallað um áskoranir þær sem felast í skattatillögunum fyrir orkugeirann. Fram koma: Hilmar Gunnlaugsson lögfræðingur, formaður starfshóps stjórnvaldaKatrín Helga Hallgrímsdóttir lögfræðingur Samorku Fundurinn fer fram í Húsi atvinnulífsins, Borgartúni 35, en einnig verður hann sendur út á Teams.
Fagþing raforku 2024 UPPSELT Á FAGÞING RAFORKU 2024. Skráning á biðlista er neðar í færslunni. Fagþing raforku verður haldið á Hótel Örk í Hveragerði 23. – 24. maí. Þar verður einnig nýr Fagmeistari Samorku krýndur í fagkeppninni og helstu birgjar og þjónustuaðilar orkugeirans verða með á sýningunni. Heimasíða fagþingsins er www.fagthing.is. Eins og síðustu ár notar Samorka ráðstefnuappið Whova til að halda utan um dagskrána og aðra upplýsingagjöf fyrir þátttakendur. Hægt er að leita að viðburðinum og skrá sig inn, en þátttakendur fá tilkynningu um lykilorð viðburðarins. Gisting á Hótel Örk er þegar fullbókuð. Við hvetjum gesti til að huga að annarri gistiaðstöðu og bendum stærri hópum á Hótel Selfoss. Hér fyrir neðan er skráning á biðlista eftir sæti á Fagþingið, því það gætu orðið einhverjar tilfærslur og forföll. Sætum verður úthlutað eftir tímaröð á skráningu. Hér er hægt að skrá á biðlista eftir plássi á þinginu og í hátíðarkvöldverði og skemmtun: Nafn Fyrirtæki Netfang (required) Ég óska eftir sæti á hátíðarkvöldverði og skemmtun 23. maí – 15.900 kr. Ég vil grænkeramatseðil. Hátíðarkvöldverður og skemmtun fyrir maka/gest – 15.900 kr. Maki/gestur vill grænkeramatseðil. This form uses Akismet to reduce spam. Learn how your data is processed. Δ
Ársfundur 2024: Ómissandi innviðir Ársfundur Samorku verður haldinn þann 20. mars í Norðurljósum, Hörpu. Fundurinn hefst kl. 13 og gert er ráð fyrir að hann standi til kl. 15. Fundurinn í ár ber yfirskriftina Ómissandi innviðir og verður kastljósinu beint að virði orku- og veituinnviða fyrir heimilin, fyrir atvinnulífið og fyrir efnahagslífið meðal annars. Við fjöllum einnig um fólkið sem staðið hefur í ströngu við að halda úti orku- og veituþjónustu við ótrúlegar aðstæður í jarðhræringum á Reykjanesi. Við heyrum sögur þeirra, sjáum myndir sem teknar eru á vettvangi og ræðum stöðuna og framhaldið. Fram koma: Guðlaugur Þór Þórðarson, umhverfis-, orku- og loftslagsráðherra Kristín Linda Árnadóttir, stjórnarformaður Samorku Finnur Beck, framkvæmdastjóri Samorku Gunnar Haraldsson, hagfræðingur Intellicon, kynnir nýja greiningu á þjóðhagslegum áhrif og áskorunum orku- og veitugeirans Pallborðsumræður: Náttúruhamfarir á Reykjanesskaga Elín Smáradóttir, yfirlögfræðingur OR stýrir umræðum. Atli Geir Júlíusson, sviðsstjóri skipulags- og umhverfissviðs í Grindavík Björk Þórarinsdóttir, framkvæmdastjóri fjármála hjá HS Orku Kjartan Már Kjartansson, bæjarstjóri í Reykjanesbæ Páll Erland, forstjóri HS Veitna Pallborðsumræður: Efnahagsleg þýðing orku- og veituinnviða Ingunn Agnes Kro, stjórnarformaður RARIK, stýrir umræðum. Baldvin Björn Haraldsson, stjórnarformaður Elements Gunnar Haraldsson, hagfræðingur Intellicon Jón Skafti Gestsson, hagfræðingur Landsnets Sigríður Ingibjörg Ingadóttir, hagfræðingur BSRB Raddir starfsfólks sem unnið hefur við erfiðar aðstæður á Reykjanesskaga Lokað hefur verið fyrir skráningu á ársfundinn. Hægt er að horfa á streymið hér fyrir ofan.
Menntadagur atvinnulífsins 2024 Menntadagur atvinnulífsins 2024 verður haldinn í Hörpu miðvikudaginn 14. febrúar nk. kl. 09:00 – 10:30. Yfirskrift menntadagsins í ár er Göngum í takt: Er menntakerfið að halda í við þarfir atvinnulífsins? Á fundinum kynnum við uppfærðar niðurstöður könnunar Gallup á eftirspurn eftir vinnuafli þvert á atvinnugreinar í því augnamiði að skilgreina nauðsynlegar aðgerðir svo vinnuaflsskortur hamli ekki vexti í atvinnulífinu. Rödd atvinnulífsins fær að heyrast sem fyrr og ráðherrar málaflokksins mæta í umræður þar sem menntakerfið er krufið með tilliti til færniþarfar á vinnumarkaði. Þá eru hin árlegu menntaverðlaun atvinnulífsins veitt í tveimur flokkum af Forseta Íslands, Guðna Th. Jóhannessyni. Menntadagur atvinnulífsins er árlegur viðburður og samstarfsverkefni Samorku , Samtaka ferðaþjónustunnar , Samtaka fjármálafyrirtækja , Samtaka fyrirtækja í sjávarútvegi , Samtaka iðnaðarins , Samtaka verslunar og þjónustu og Samtaka atvinnulífsins. Skráningar er óskað á fundinn og það er gert á heimasíðu SA.
Aðalfundur 2024 Aðalfundur Samorku verður haldinn miðvikudaginn 20. mars í Hyl, Húsi atvinnulífsins, Borgartúni 35. Vinsamlegast tilkynnið þátttöku á aðalfundinum með því að skrá ykkur hér fyrir neðan eigi síðar en mánudaginn 18. mars. Einnig er hægt að skrá strax þátttöku á opinn ársfund Samorku, sem hefst samdægurs kl. 13 í Norðurljósum í Hörpu. Dagskrá opna ársfundarins verður auglýst síðar. Dagskrá: 10:00 Skráning10:30 Aðalfundarstörf Setning: Kristín Linda Árnadóttir, formaður stjórnar Samorku Dagskrá aðalfundar skv. lögum Samorku : 1. Kjör fundarstjóra og fundarritara 2. Skýrsla stjórnar 3. Ársreikningur ásamt skýrslu endurskoðanda 4. Fjárhagsáætlun 5. Tillögur um lagabreytingar (engar) 6. Tillögur kjörnefndar 7. Kjör stjórnar, stjórnarformanns og endurskoðanda 8. Kjör í kjörnefnd 9. Önnur mál – Tillaga að ályktun aðalfundar. Nafn Netfang Fyrirtæki Skrá mig Δ
Opinn fundur orkuskiptahóps Samorku Orkuskiptahópur Samorku býður til opins samtals við sérfræðinga orku- og veitugeirans um málefni orkuskiptanna föstudaginn 24. nóvember frá kl. 9.00 – 10.30. Á fundinum verður rætt við sérfræðinga og leiðandi fyrirtæki í orkuskiptum: Ágústa Loftsdóttir (EFLA) – Afl- og orkuþörf vegna orkuskipta í þungaflutningumGnýr Guðmundsson (Landsnet) – Raforkuspá LandsnetsMálfríður Guðný Kolbeinsdóttir (Ölgerðin) – Orkuskipti Ölgerðarinnar, reynsla og áskoranir Fundurinn verður í opnu streymi í gegnum Teams og gestir fundarins geta borið upp spurningar. Vinsamlegast skráið ykkur á fundinn hér.
Samkeppnisréttarnámskeið Samorku II Samorka býður til námskeiðs um samkeppnisrétt. Á námskeiðinu er farið sérstaklega yfir samkeppnisréttaryfirlýsingu Samorku (sjá viðhengi) og mikilvægar samkeppnisréttarreglur sem hafa þýðingu fyrir starf atvinnugreinasamtaka. Námskeiðið er hugsað fyrir öll þau sem taka þátt í hvers konar starfi Samorku. Jóna Björk Helgadóttir, lögmaður og sérfræðingur í samkeppnisrétti, kennir námskeiðið sem haldið verður í Húsi atvinnulífsins, Borgartúni 35, í fundarsalnum Hól. Einnig verður boðið upp á að sitja það í gegnum Teams. Við erum öll bundin reglum samkeppnisréttarins í samskiptum okkar á vegum Samorku og mikilvægt að þekkja þær reglur, þannig að við getum tryggt að starfsemi samtakanna og fyrirtækja okkar séu alltaf í fullu samræmi við lög. Það eru því eindregin tilmæli stjórnar Samorku að þeir sem taka reglulegan þátt í starfi á vegum samtakanna mæti á námskeiðið. Vinsamlegast skráið þátttöku í eftirfarandi form: Nafn Fyrirtæki Netfang (required) Vinsamlegast hakið í viðeigandi lið: Ég mæti í eigin persónu. Ég mæti á fundinn á Teams Δ
Desemberfundur 2023 SKRÁNINGARFRESTUR Á DESEMEBERFUND ER LIÐINN. Á desemberfundi verður innra starf Samorku til umfjöllunar að venju og í ár verður afrakstur stefnumótunarvinnu kynntur. Þá fjöllum við um orku- og veitustarfsemi á tímum náttúruvár og heyrum frá völdum ráðum og hópum um starfið á árinu. Fundurinn er fyrir starfsfólk aðildarfyrirtækja Samorku og ekki ætlaður öðrum. Að þessu sinni verður desemberfundurinn haldinn í notalegum Sjálfstæðissal nýja hótelsins við Austurvöll, eða gamla Nasa eins og mörg þekkja. Þar mun skemmtunin einnig fara fram, en við bregðum okkur fram á Telebar í móttöku hótelsins í fordrykk. Að loknum fundi tekur skemmtidagskráin við, boðið verður upp á góðan jólapinnamat og svo mun Guðrún Árný stýra hressilegum samsöng hinna ýmissa slagara og við gerum ráð fyrir að Samorkufólk sýni og nýti sönghæfileikana eins og á desemberfundum síðustu ára! Rétt er að taka fram að dagskrá getur tekið breytingum með skömmum fyrirvara í ljósi aðstæðna á Reykjanesi. Verð á desemberfundinn er 3.900. Verð á fundinn ásamt mat og skemmtun er 14.900. SKRÁNINGARFRESTUR Á DESEMEBERFUND ER LIÐINN.
Nýsköpunarverðlaun Samorku: Hugvit – Hringrás – Árangur Nýsköpunarverðlaun Samorku verða afhent í þriðja sinn á opnum fundi í Hörpu mánudaginn 18. september kl. 13.00 – 14.30. Öll eru velkomin í Hörpu, en fundinum verður einnig streymt hér og hefst það kl. 13. Fundurinn ber yfirskriftina Hugvit / Hringrás / Árangur og á honum verður fjallað um grósku nýsköpunar í orku- og veitugeiranum, sem er mjög mikilvæg fyrir þær umbreytingar sem eru framundan á orkukerfum heimsins. Dagskrá: Nýjar lausnir fyrir nýja tíma – Finnur Beck, framkvæmdastjóri SamorkuUmgjörð nýsköpunar og tækni í Svíþjóð – Magnus Rehn, fjárfestir, stjórnendaráðgjafi og ráðgjafi nýsköpunarfyrirtækja hjá StingFyrrum handhafar Nýsköpunarverðlauna Samorku taka stöðuna í léttu pallborði – Linda Fanney Valgeirsdóttir hjá Alor og Ósvaldur Knudsen hjá Laki PowerAfhending verðlauna: Ásta Sóllilja Guðmundsdóttir, framkvæmdastjóri KLAK – Icelandic Startups og talsmaður dómnefndar gerir grein fyrir rökstuðningi dómnefndar. Ásta Sóllilja og Finnur Beck framkvæmdastjóri Samorku afhenda verðlaunin. Fundarstjóri: Lovísa Árnadóttir, upplýsingafulltrúi Samorku. Fjögur fyrirtæki eru tilnefnd til Nýsköpunarverðlauna Samorku 2023. Þau eru: ATMONIA – Atmonia þróar róttæka og sjálfbæra tækni sem nýtir efnahvata fyrir rafefnafræðilega framleiðslu á ammoníaki fyrir áburð og rafeldsneyti Þannig er ammoníakið eingöngu framleitt með andrúmslofti, vatni og rafmagni og losar framleiðslan þar með ekki gróðurhúsalofttegundir.GEROSION – Gerosion sérhæfir sig í efnistæknilausnum fyrir jarðhita-, byggingar- og orkufrekan iðnað. Til dæmis hefur Gerosion verið að þróa umhverfisvænt, sementslaust steinlím og er einnig að þróa nýjar varnarfóðringar fyrir háhita- og djúpborunarholur, sem eykur möguleikana á því að framleiða sjálfbæra orku úr jarðvarma.HÁAFELL – Hafa verið brautryðjendur í nýtingu endurnýjanlegrar orku í sjókvíaeldi. Með því að leggja rafstreng í fóðurpramma spara þau 100.000 lítra af olíu á ári, sem jafngildir notkun 100 fólksbíla. SNERPA POWER – Snerpa Power er hugbúnaðarfyrirtæki á raforkumarkaði sem sérhæfir sig í lausnum sem skapa sjálfbært samkeppnisforskot. Með þeirri snjallvæðingu sem hugbúnaður Snerpu Power býður upp á er hægt að draga úr umframafli og nýta það beint í almenn orkuskipti. Fundurinn er öllum opinn og aðgangur er ókeypis, en skráningar er óskað svo hægt sé að tryggja pláss og draga úr matarsóun. Nafn Netfang Fyrirtæki Skrá mig Δ
