Desemberfundur Samorku verður haldinn fimmtudaginn 3. desember á Parliament Hótel í Reykjavík. Formleg dagskrá stendur frá kl. 15:00–17:00 og að henni lokinni verður jólahlaðborð.

Á fundinum verður sjónum beint að nokkrum af stærstu viðfangsefnum orku- og veitugeirans um þessar mundir. Fjallað verður um áherslur og samskiptastefnu Samorku, rammaáætlun og þær áskoranir sem fyrirtæki standa frammi fyrir, auk þess sem orka, veitur og efnahagsmál verða rædd í sófaspjalli.

Dagskrá

Ávarp stjórnarformanns
Sólrún Kristjánsdóttir, stjórnarformaður Samorku, opnar fundinn og býður gesti velkomna.

Sameiginleg rödd Samorku
Finnur Beck, framkvæmdastjóri Samorku, fjallar um samskiptastefnu og áherslur samtakanna.

Rammaáætlun í reynd: áskoranir og álitamál
Katrín Helga Hallgrímsdóttir, lögfræðingur Samorku, fjallar um rammaáætlun og þær áskoranir og álitamál sem blasa við í framkvæmd.

Hlé – Léttar veitingar

Orkan, veiturnar og efnahagurinn
Fundinum lýkur með sófaspjalli með Daða Má Kristóferssyni, fjármála- og efnahagsráðherra, og Degi B. Eggertssyni, alþingismanni og 1. varaformanni fjárlaganefndar.

Að formlegri dagskrá lokinni tekur jólahlaðborð við í Sjálfstæðissalnum. Þátttökugjald í jólahlaðborðið er 8.900 kr. án drykkja.

Skráning

Athugið að Desemberfundurinn er lokaður fundur ætlaður starfsfólki aðildarfyrirtækja Samorku, einkum þeim sem taka virkan þátt í ráð- og hópastarfi samtakanna.