Við erum stolt af því að íslensk orkuframleiðsla er 100% sjálfbær
Við viljum að Ísland verði áfram leiðandi og fyrirmynd annarra þjóða í nýtingu grænnar orku. Við vinnum markvisst að því markmiði stjórnvalda að Ísland verði kolefnishlutlaust árið 2040, knúið og kynt með grænni orku sem unnin er með sjálfbærum og ábyrgum hætti innanlands.
Við viljum að fólkið í landinu, heimili og fyrirtæki búi við orku- og veitukerfi í fremstu röð og njóti þeirra lífsgæða sem fylgja orkuöryggi og hagkvæmri sjálfbærri nýtingu innlendra auðlinda.
