27. ágúst 2026 Opnað fyrir umsóknir í The Pitch samkeppnina um nýsköpun í orkuskiptum Eurelectric og Enlit Europe hafa opnað fyrir umsóknir í „The Pitch,“ árlega keppni í nýsköpun þar sem fyrirtæki geta komið á framfæri nýjum tæknilausnum sem hraða orkuskiptum. Fyrirtæki sem verða fyrir valinu fá tækifæri til að kynna sínar lausnar fyrir dómnefnd sérfræðinga á sérstökum viðburði í Vín í Austurríki þann 11. nóvember n.k. Frestur til að taka þátt í The Pitch er til 11. september n.k. Hér gefst tækifæri fyrir sprotafyrirtæki til að tengjast inn í orkugeirann og komast t.d. í samband við orkuframleiðendur, fyrirtæki sem reka flutningskerfi raforku, dreifiveitur eða aðra sérfræðinga í orkuiðnaðinum eins og segir í fréttatilkynningu. Þann 11. nóvember munu Enlit Europe og Eurelectric enn á ný halda þennan viðburð í Vín sem er hluti af Digitopia Summit. Hann felst í þremur klukkutíma löngum senum. Hver um sig verður með sitt þema til að kynna nýsköpun sem hraðað getur orkuskiptum. Dómnefnd velur síðan sigurvegara í hverjum hluta fyrir sig. Enlit og Eurelectric segja að nýsköpunin geti verið í margvíslegum geirum sem tengjast orku, s.s. endurnýjanlegir orkugjafar orkugeymsla, orkuskilvirkni, áfallaþol og styrkur flutningskerfa og gervigreind svo fátt eitt sé nefnt. Mikil nýsköpun á sér stað í orkugeiranum hér á landi og Samorka hefur lagt sig fram um að ýta undir þá þróun, t.d. með Nýsköpunarverðlaunum Samorku sem veitt eru árlega. Þá er Samorka meðlimur í Eurelectric. Hér að neðan er hlekkur á tilkynningu um The Pitch keppnina og þar er líka hægt að sækja um að vera með. The Pitch | Enlit World: Opnað fyrir umsóknir í The Pitch samkeppnina um nýsköpun í orkuskiptum
25. ágúst 2026 Power Barometer greining Eurelectric kynnt 30. september í Brussel Eurelectric, samtök rafiðnaðarins í Evrópu, birta árlega greiningarskýrslu sína Power Barometer þann 30. september n.k. og efna þá til kynningarfundar í Brussel þar sem farið verður yfir helstu niðurstöður. Fjöldi framsögumanna og kvenna úr orkugeiranum, frá Evrópusambandinu og víðar taka þátt í fundinum. Samorka er aðili að Eurelectric. Power Barometer kortleggur ár hvert eftirspurn eftir rafmagni í Evrópu, sveigjanleika í framboði, verð og nýjustu strauma í fjárfestingum. Skýrslan er lykilgagn fyrir stjórnmálamenn, leiðtoga í atvinnurekstri, sérfræðinga og fleiri því hún dregur upp skýra mynd af orkukerfi álfunnar, hvernig það er að þróast og hvar brýnast er að grípa til aðgerða. Skýrslan sem birt verður í lok september sýnir að grundvallarbreytingar hafa orðið í orkukerfi Evrópu og það hafi komið enn skýrar í ljós vegna þeirra miklu áhrifa sem átökin í Mið-Austurlöndin og lokun Hormuz-sunds hafa haft á alþjóðlega orkumarkaði. Eurelectric bendir á að verð á gasi hafi hækkað um 41% en engu að síður lækkaði orkuverð í heild um níu prósent að meðaltali að því fram kemur í fréttatilkynningu. Rafmagnsorkukerfi sem treysta á hreina og fjölbreytta orkugjafa gátu tekist á við öldurótið í alþjóðamálum en það sama verður ekki sagt um markaði með jarðefnaeldsneyti að mati Eurelectric. Þess ber líka að geta að Jón Gunnarsson greinandi hjá Samorku skrifaði athyglsverða grein í sumarblað Vísbendingar um áhrif átakanna og orkuöryggi Íslands Hann ræddi einnig það viðfangsefni í hlaðvarpinu Lífæðar landsins í sumar. Hlekkir á greinina og á þáttinn eru neðst í fréttinni. Þegar mikil uppbygging á sér stað í endurnýjanlegum orkugjöfum þarf hinsvegar að tryggja að svigrúm sé fyrir þann vöxt. Góðu fréttirnar eru að lausnir eru fyrir hendi til að takast á við þær áskoranir og greint verður nánar frá þeim á kynningarfundi Eurelectric um Power Barometer 2026 skýrsluna þann 30. september í höfuðstöðvum samtakanna í Brussel. Fundurinn er frá kl. 14-17:30 að staðartíma eða kl. 12-15:30 að íslenskum tíma og samhliða honum er einnig haldin móttaka fyrir gesti. Hægt er að skrá sig á fundinn og lesa meira um Power Barometer með því að ýta á hlekkinn hér að neðan. Þátttökugjald er frá 40 til 85 Evrur. Meira um Power Barometer og skráning á fundinn þann 30.9 í Brussel https://www.eurelectric.org/events/power-barometer-2026/: Power Barometer greining Eurelectric kynnt 30. september í Brussel Hvaða áhrif hafa átökin og óvissan í Hormússundi á Ísland? Þáttur í hlaðvarpi Samorku, lífæðar landsins. https://samorka.is/lifaedar-landsins-orkan-i-efnahagsljosi/: Power Barometer greining Eurelectric kynnt 30. september í Brussel Greinin eftir Jón Gunnarsson greinanda hjá Samorku sem birtist í Vísbendingu. https://visbending.is/greinar/islensk-orka-i-althjodlegu-samhengi-avinningur-sem-maelist-i-milljordum/: Power Barometer greining Eurelectric kynnt 30. september í Brussel
Ráðstefna um Human and Organisational Performance (HOP) Öryggisráð Samorku boðar til HOP-ráðstefnu miðvikudaginn 15. apríl 2026, kl. 9:00–12:00, á Reykjavík Natura. Ráðstefnan fjallar um hvernig hugmyndafræði Human and Organisational Performance (HOP) styður við öryggi og áreiðanleika í flóknum og áhættusömum rekstri. Umfjöllun verður meðal annars um raunverulega vinnu, samspil kerfa og aðstæðna, markvissan lærdóm og hvernig byggja má upp varnarlög sem draga úr líkum á alvarlegum atvikum. Dagskrá: Tómas Már Sigurðsson -Forstjóri HS Orku opnar ráðstefnuna Kristian Gould -Safety, leadership and learning -from principles to practice Guðmundur Þorsteinsson -Öryggi á 21. Öldinni -Innleiðing HOP í starfsemi Tesla um allan heim Reynir Guðjónsson -Fulltrúi Öryggisráðs Samorku -Hvað getum við gert strax? Byrjum í dag Hlé -Léttar veitingar og samtal Pallborð Kristín Linda Árnadóttir -Aðstoðarforstjóri Landsvirkjunar verður með lokaorð Vinsamlegast skráið mætingu svo hægt sé að áætla fjölda. Nafn Netfang Fyrirtæki Skrá mig Δ
Opinn ársfundur Samorku 2026 17. mars klukkan 13:00 -15:00 Borgarleikhúsinu, stóra sviðinu Uppbygging á óvissutímum – Eflum áfallaþol ómissandi innviða Á tímum aukinnar alþjóðlegrar óvissu og hraðra breytinga í öryggisumhverfi Evrópu er brýnt að huga að því hvernig við byggjum upp og styrkjum ómissandi innviði samfélagsins. Á ársfundinum verður fjallað um hvernig íslenskt samfélag getur eflt áfallaþol sitt með markvissri stefnumótun, öflugri samvinnu og framsækinni uppbyggingu í breyttri heimsmynd. Áhersla verður lögð á öryggi og viðnámsþrótt orku- og veituinnviða, samspil stjórnvalda og atvinnulífs í uppbyggingu þeirra og alþjóðlega þróun í öryggis- og varnarmálum tengdum þeim ómissandi innviðum. Fram koma: Jóhann Páll Jóhannsson, umhverfis-, orku- og loftslagsráðherra Þorgerður Katrín Gunnarsdóttir, utanríkisráðherra Þorbjörg Sigríður Gunnlaugsdóttir, dómsmálaráðherra Bjarni Benediktsson, framkvæmdastjóri Samtaka atvinnulífsins Charlie Edwards, sérfræðingur í stefnumótun og öryggismálum Finnur Beck, framkvæmdastjóri Samorku Hanna Björg Konráðsdóttir, skrifstofustjóri Raforkueftirlitsins Hildigunnur Thorsteinsson, forstjóri Veðurstofu Íslands Sólrún Kristjánsdóttir, stjórnarformaður Samorku og forstjóri Veitna Fundurinn hefst kl. 13.00 og stendur til 15.00. Gert verður kaffihlé um miðbik fundarins. Að fundi loknum verður svo boðið upp á léttar veitingar og lifandi tónlist. Fundurinn er opinn öllum og þátttaka er ókeypis. Skráningar er óskað svo hægt sé að áætla veitingar. Nafn Netfang Fyrirtæki Ég vil gerast áskrifandi að fréttabréfi Samorku á netfangið mitt Skrá mig Δ
Kafað dýpra í Orkuspá Íslands Samorka býður til opins tæknifundar þar sem kafað verður dýpra í Orkuspá Íslands, sem kom út á vegum Umhverfis- og orkustofnunar, Landsnets og Raforkueftirlitsins á dögunum. Fundurinn verður haldinn þann 21. janúar kl. 14 á Hilton Reykjavík Nordica. Hvað felst í Orkuspá Íslands og hversu mikið má lesa út úr henni? Á fundinum köfum við dýpra í spána, ferlið á bak við hana og þær forsendur sem móta niðurstöðurnar. Spáin dregur upp mynd af stöðu orkumála og kallar á umræðu um hvernig hún er túlkuð og hvaða hlutverki hún gegnir í stefnumótun og ákvarðanatöku stjórnvalda. Á fundinum verður farið meira í tæknilegar hliðar orkuspárinnar og er opinn öllum áhugasömum sem vilja skilja orkuspána betur og taka þátt í upplýstri umræðu. Fram koma: Jón Ásgeir Haukdal Þorvaldsson – Teymisstjóri í Teymi orkuskipta og orkunýtni hjá Umhverfis- og orkustofnun Arngunnur Einarsdóttir – Sérfræðingur í þróun á viðskiptaumhverfi hjá Landsneti Ingvar Þór Þorsteinsson – Sérfræðingur á skrifstofu forstjóra hjá Umhverfis- og orkustofnun Við vonumst eftir lifandi umræðum á fundinum og við hvetjum því fundargesti að bera upp spurningar. Boðið verður upp á streymi frá fundinum og verður líka hægt að spyrja spurninga þaðan. Óskað er eftir skráningu á fundinn í skráningarformið hér fyrir neðan svo hægt sé að áætla veitingar og fjölda sæta, þau sem ætla eingöngu að horfa í streymi eru beðin um að haka í þann möguleika. Hlekkur á streymið verður svo sendur þegar nær dregur á netföng þeirra sem skrá sig. Nafn Netfang Fyrirtæki Ég fylgist eingöngu með í streymi Δ
Menntadagur atvinnulífsins 2026 Framtíðin kallar. Er menntakerfið að hlusta? Á íslenskum vinnustöðum fer fram ómetanleg menntun á hverjum degi. Þar öðlast fólk hæfni í nýrri tækni, þróar aðferðir og skapar verðmæti sem styrkja bæði fyrirtæki og samfélagið í heild. Þessi þekking er mikilvæg auðlind, en hún nýtist ekki til fulls nema með markvissu samstarfi atvinnulífs og menntakerfis. Menntadagur atvinnulífsins fer fram á Hilton Reykjavík Nordica þann 11. febrúar frá 13:30 – 16:00, húsið opnar 13:00. Menntadagur atvinnulífsins er vettvangur þar sem fyrirtæki, menntastofnanir, stjórnvöld og aðrir hagaðilar koma saman til að ræða hvernig menntun getur betur mætt raunverulegum þörfum framtíðarinnar. Menntadagurinn er sameiginlegt verkefni SA og allra aðildarsamtaka þar sem fræðslu- og menntamál atvinnulífsins eru í forgrunni. Skráning á Menntadaginn er hafin. Smelltu á slóðina og skráðu þig: Menntadagur atvinnulífsins 2026
Fagþing hita-, vatns- og fráveitna 2026 Fagþing hita-, vatns- og fráveitna 2026 verður haldið í Hljómahöll í Reykjanesbæ dagana 7. – 8. maí. Framkvæmda- og tæknikeppni verður á sínum stað þar sem eitt lið aðildarfélaga verður krýnt Fagmeistari Samorku. Á vefnum https://fagthing.is/ má finna allar upplýsingar um þingið, dagskrá og fleira. Lokað hefur verið fyrir skráningu á Fagþingið.
Desemberfundur 2025 Árlegur desemberfundur Samorku verður haldinn fimmtudaginn 4. desember kl. 15.00 – 17.00 á Hilton Reykjavík Nordica. Dagskrá verður að venju helguð innra starfi Samorku: Opnun desemberfundar – Sólrún Kristjánsdóttir, stjórnarformaður HOP: Ný handbók og ný nálgun í öryggismálum – Hörður Lindberg Pétursson, Öryggisráði Samorku Hagsmunagæsla Samorku í Brussel – tilgangur, væntingar, virðið hingað til– Lovísa Árnadóttir ræðir við Svein Helgason, verkefnastjóra erlends samstarfs hjá Samorku og Kristínu Lindu Árnadóttur, aðstoðarforstjóra Landsvirkjunar Framtíðargjaldskrá dreifiveitna – Silja Rán Steinberg Sigurðardóttir, aðstoðarforstjóri Rarik og í gjaldskrárhópi Samorku Störum jólaljósin á: Öryggi orkuinnviða og breytt ógnalandslag – Vigdís Eva Líndal, leiðtogi upplýsingaöryggis hjá Orkuveitunni og í Netöryggisráði Samorku Rabbað við ráðherra– Jóhann Páll Jóhannsson, orku-, umhverfis- og loftslagsráðherra í óformlegu spjalli við Finn Beck framkvæmdastjóra Samorku og aðra fundargesti Að dagskrá lokinni færum við okkur niður á Vox HOME þar sem boðið verður upp á jólalegan pinnamat og Kvartettinn Barbari skemmtir okkur með vel völdum „rakarastofu“-jólalögum. Athugið að fundurinn er aðeins opinn félagsfólki Samorku (starfsfólki aðildarfyrirtækja). Hægt er að skrá sig eingöngu á fundinn eða á bæði fund og jólaskemmtun. Nafn Netfang Fyrirtæki Ég mæti á Desemberfund Samorku (verð 3.500) Ég mæti á jólaskemmtun með pinnamat og skemmtiatriði (verð 8.900) Ég tek með gest/maka á jólaskemmtun (verð 8.900) Δ
Norræn vinnustofa NER um aðgerðir til stuðnings raforkuöryggi Nordic Energy Research stendur fyrir vinnustofu um raforkuöryggi þann 26. nóvember n.k. í Finnlandi. Í lýsingu málstofunnar segir m.a. að norrænar ríkisstjórnir skoði í auknum mæli ráðstafanir til að tryggja nægjanlegt afl og orkuöryggi. Þessi úrræði geti haft veruleg áhrif og kostnað í för með sér og krefjist undangenginnar vandaðrar greiningar og markvissrar hönnunar. Á málþinginu verði miðlað reynslu frá Norðurlöndum og kynntar nýjustu vendingar úr norrænum umræðum með þátttöku og innleggjum frá sérfræðingum á þessu sviði. Nánari upplýsingar um viðburðinn og skráningu má finna hér: Capacity markets and flexibility support mechanisms in the Nordics
Umhverfisverðlaun atvinnulífsins 2025 Umhverfisdagur atvinnulífsins 2025 verður haldinn í tíunda sinn mánudaginn 24. nóvember á Hilton Reykjavík Nordica kl. 09:00 – 11:30 undir yfirskriftinni Frá yfirlýsingum til árangurs. Dagurinn er sameiginlegt verkefni SA, SI, SVÞ, SAF, SFS, SFF og Samorku. Kastljósinu verður beint að gagnsæi, trúverðugleika og samkeppnishæfni í loftslags- og umhverfismálum. Í kraftmikilli dagskrá leiðir áhrifafólk í atvinnulífi, stjórnmálum og stjórnsýslu saman hesta sína. Dagurinn er byggður upp af tveimur lotum. Fyrri lotan tekur á gagnsæi sem forsendu trúverðugleika. Erindi: Anna Hrefna Ingimundardóttir, aðstoðarframkvæmdastjóri SA. Pallborð: Daði Már Kristófersson, fjármála- og efnahagsráðherra, Halldór Þorgeirsson, formaður Loftslagsráðs, Sigurður Hannesson, framkvæmdastjóri Samtaka iðnaðarins. Lovísa Árnadóttir, upplýsingafulltrúi Samorku stjórnar pallborði. Innslög frá fyrirtækjum: Eiríkur Þór Eiríksson, framkvæmdastjóri Landfara og Gunnþór Ingvason, framkvæmdastjóri Síldarvinnslunnar Síðari lotan fjallar um samkeppnishæfni Íslands í ljósi umhverfisstefnu ESB. Erindi: Ágústa Ýr Þorbergsdóttir, meðeigandi KREAB. Pallborð: Jóhann Páll Jóhannsson, umhverfis-, orku- og loftslagsráðherra, Vigdís Diljá Óskardóttir, stjórnandi samskipta- og samfélagsmála hjá Alcoa Fjarðaáli, Vilhelm Már Þorsteinsson, forstjóri Eimskipafélags Íslands. Lovísa Árnadóttir, upplýsingafulltrúi Samorku stjórnar pallborði. Innslög frá fyrirtækjum: Bogi Nils Bogason, forstjóri Icelandair, Jóhanna Hlín Auðunsdóttir, forstöðumaður loftslags- og áhrifastýringar hjá Landsvirkjun, Lilja Björk Einarsdóttir, bankastjóri Landsbankans Umhverfisverðlaun atvinnulífsins 2025 Að lokum verða Umhverfisverðlaun atvinnulífsins 2025 veitt umhverfisfyrirtæki ársins 2025, umhverfisframtaki ársins 2025 auk þess sem framsækin fyrirtæki á sviði umhverfis- og loftslagsmála fá sérstök hvatningarverðlaun. Sigríður Margrét Oddsdóttir setur daginn og flytur lokaorð. Hægt er að skrá sig með því að fylla út þetta form: Umhverfisdagur atvinnulífsins 2025
