NORDIWA 2025 Norræna fráveituráðstefnan verður haldin í Osló dagana 23. – 25. september. Ráðstefnan er stærsti viðburður í fráveitumálum á Norðurlöndunum. Ráðstefnan er samstarfsverkefni fráveitusamtaka á Norðurlöndum, þar á meðal Samorku, og er nú haldin í 19. sinn. Vitað er um þó nokkur sem ætla á ráðstefnuna og til þess að fá nánari upplýsingar um það má hafa samband við Sverri Fal, verkefnastjóra hjá Samorku. Allar nánari upplýsingar um ráðstefnuna og dagskrá má finna á heimasíðu NORDIWA.
Orka og öryggi Öryggisstjórnunarhópur Stjórnvísi og Öryggisráð Samorku standa fyrir viðburði um orku og öryggi miðvikudaginn 4. júní kl. 9 – 10. Fundurinn er bæði staðfundur og í streymi. Dagskrá: Starfsemi Öryggisráðs Samorku – Björn Halldórsson, Landsvirkjun Human Organisational Performance – Matthías Haraldsson, Landsvirkjun Öryggismenning – Björn Guðmundsson, RARIK Öll örugg alltaf – Sigurveig Erla Þrastardóttir, Veitur Öll eru velkomin í Hús atvinnulífsins til að fylgjast með fundinum, en fyrir þau sem kjósa heldur að fylgjast með í streymi geta tengst hér
Ársfundur 2025: 30 ára afmælisráðstefna 19. mars kl. 13.30 – 16.30 Silfurbergi, Hörpu Við stöndum á tímamótum varðandi endurnýjun og frekari uppbyggingu orku- og veituinnviða. Nauðsynlegt er að framkvæma fyrir framtíðina. Á ársfundi Samorku, samtaka orku- og veitufyrirtækja, ræðum við mikilvægi framkvæmda fyrir komandi kynslóðir, áskoranir í fjármögnun og skipulagi og hvernig þær eru samofnar efnahagslegum hagsmunum þjóðarinnar, loftslagsmarkmiðum og lífsgæðum almennings. Þá verða kynntar nýjar tölur um fyrirhugaðar fjárfestingar í orku- og veituinnviðum næstu fimm árin. Verið velkomin á 30 ára afmælisfund Samorku, samtaka sem leika lykilhlutverk í mótun framtíðarsýnar fyrir orku- og veitustarfsemi í landinu. Fram koma:Kristrún Frostadóttir, forsætisráðherraJóhann Páll Jóhannsson, umhverfis- orku- og loftslagsráðherraFinnur Beck, framkvæmdastjóri SamorkuNýkjörinn stjórnarformaður Samorku Fundarstjóri: Lovísa Árnadóttir, upplýsingafulltrúi Samorku Auk þess koma fram: Árni Hrannar Haraldsson, framkvæmdastjóri ONBaldur Hauksson, deildarstjóri tækniþróunar hjá ONElías Jónatansson, forstjóri Orkubús VestfjarðaEyþór Björnsson, forstjóri NorðurorkuHörður Arnarson, forstjóri Landsvirkjunar,Kristín Soffía Jónsdóttir, framkvæmdastjóri þróunar og framtíðar hjá RARIKMagnús Kristjánsson, forstjóri OrkusölunnarPáll Erland, forstjóri HS VeitnaSólrún Kristjánsdóttir, framkvæmdastjóri VeitnaSvandís Hlín Karlsdóttir, framkvæmdastjóri Viðskipta- og kerfisþróunar hjá LandsnetiTómas Már Sigurðsson, forstjóri HS Orku Fundurinn hefst kl. 13.30 og stendur til 16.30. Gert verður kaffihlé um miðbik fundarins. Að fundi loknum verður svo boðið upp á léttar veitingar og Los Bomboneros leika fyrir okkur suðræna tóna. Fundurinn er opinn öllum og þátttaka er ókeypis. Skráningar er óskað svo hægt sé að áætla veitingar. Nafn Netfang Fyrirtæki Ég vil gerast áskrifandi að fréttabréfi Samorku á netfangið mitt Skrá mig Δ
Út fyrir rammann? – opinn fundur ATHUGIÐ! VEGNA BILUNAR Á GRAND HÓTEL ER FUNDURINN EKKI SENDUR ÚT. Upptaka verður mögulega í boði síðar, við skoðum það síðar í dag. Fundur um stöðu rammaáætlunar og reynslu af henni Grand hótel ReykjavíkÞriðjudaginn 14. janúarKl. 9.00 – 10.30 Í desember skilaði þriggja manna starfshópur á vegum umhverfis-, orku- og loftslagsráðherra ítarlegri skýrslu um endurskoðun laga um verndar- og orkunýtingaráætlun. Skýrslan inniheldur ítarlegar tillögur að breytingum á gildandi lögum og regluverki. Samorka boðar til kynningarfundar á Grand Hótel Reykjavík þann 14. janúar, þar sem efni skýrslunnar verður kynnt og rætt. Dagskrá: Opnun – Sverrir Falur Björnsson, verkefnastjóri stefnumótunar og hagsmunagæslu hjá Samorku Helstu niðurstöður og tillögur starfshópsins – Hilmar Gunnlaugsson, formaður Tillögur Samorku um nýtt orkuþróunarskipulag – Katrín Helga Hallgrímsdóttir, lögfræðingur Samorku Ketill Sigurjónsson Zephyr Iceland og Jón Kjartan Ágústsson Orkuveitunni ræða reynslu sína af því að starfa innan núverandi regluverks og greina frá þeim áskorunum sem því fylgja. Að lokum verða allir þátttakendur fundarins hluti af pallborðsumræðum um málefnið auk þeirra Jónu Bjarnadóttur frá Landsvirkjun og Magnúsi Ásbjörnssyni hjá Reykjavík Geothermal. Gestir í sal fá tækifæri til að koma á framfæri spurningum og athugasemdum. Fundurinn er opinn og ókeypis. Vinsamlegast skráið ykkur í formið hér fyrir neðan svo hægt sé að áætla fjölda og veitingar. Nafn Netfang Fyrirtæki Δ
Nýsköpunarverðlaun Samorku 2024: Hvar liggja tækifærin? Nýsköpunarverðlaun Samorku verða afhent í fjórða sinn á opnum fundi í Grósku fimmtudaginn 12. desember. Fundurinn hefst kl. 15 og honum lýkur um klukkustund síðar. Áslaug Arna Sigurbjörnsdóttir, háskóla-, iðnaðar- og nýsköpunarráðherra afhendir Nýsköpunarverðlaunin. Á fundinum að þessu sinni verður sjónum beint að þeim tækifærum sem liggja úti í hinum stóra heimi fyrir sérþekkingu íslenskra fyrirtækja á sviði orku- og veitumála. Dagskrá: Tækifæri í orkugeira í umbreytingu – Ríkarður Ríkarðsson, framkvæmdastjóri Viðskiptaþróunar og nýsköpunar hjá LandsvirkjunJarðhitinn og íslenskt hugvit – Kristín Vala Matthíasdóttir, CTO hjá Baseload CapitalMikilvægi samstarfs í nýsköpun – Rósbjörg Jónsdóttir, framkvæmdastjóri Orkuklasans Nýsköpunarverðlaun afhent – Áslaug Arna Sigurbjörnsdóttir, háskóla-, iðnaðar- og nýsköpunarráðherra Að loknum fundi verður boðið upp á sætan bita og drykk. Öll eru velkomin, en skráningar er óskað í meðfylgjandi formi. Nafn Netfang Fyrirtæki Δ
Orkuskipti.is – nýjar upplýsingar settar í loftið Hvar stendur Ísland í orkuframleiðslu og orkunotkun í alþjóðlegum samanburði?Opinn fundur fimmtudaginn 14. nóvember kl. 9:30-10:30 í Kaldalóni í Hörpu. Kaffi og netagerð frá kl. 9.Oft er því fleygt fram að Ísland framleiði mesta orku á mann í heimi. En er það rétt? Og hversu mikla orku framleiðir Ísland í samanburði við Norðurlöndin ef miðað er við stærð landanna? Hvað þarf að gera til þess að ná fram fullum orkuskiptum og hvaða virkjanakostir eru samkeppnishæfir? Á uppfærðum vef orkuskipti.is verður þessum og fleiri spurningum svarað og orkuframleiðsla og orkunotkun Íslands sett í alþjóðlegt samhengi.Verkefnið er samstarfsverkefni Samtaka iðnaðarins, Samorku, Landsvirkjunar, EFLU og Grænvangs. Dagskrá: Hvers vegna að setja Ísland í alþjóðlegt samhengi? Hvað hefur breyst síðustu tvö ár sem kallar á uppfærðan orkuskiptavef? Sigurður Hannesson, framkvæmdastjóri SI, fer stuttlega yfir málið. Hvaða nýju upplýsingar er verið að kynna og á hverju byggja þær? Haukur Ásberg Hilmarsson, sérfræðingur í viðskiptagreiningu og þróun markaða hjá Landsvirkjun og Ágústa Loftsdóttir, sérfræðingur í orkumálaráðgjöf hjá EFLU. Umræður: Guðmundur Þorbjörnsson, viðskiptaþróun EFLUSigríður Mogensen, sviðsstjóri iðnaðar og hugverkasviðs SIHörður Arnarson, forstjóri LandsvirkjunarFinnur Beck, framkvæmdastjóri Samorku Fundarstjóri: Þóra Arnórsdóttir, forstöðumaður samskipta og upplýsingamiðlunar hjá Landsvirkjun. Hér er hægt að skrá sig á fundinn: Skráning
Desemberfundur 2024 Desemberfundur Samorku verður haldinn miðvikudaginn 4. desember kl. 15.30 – 17.30 á The Reykjavík EDITION, Austurbakka 2. Fundurinn er eins konar uppskeruhátíð innra starfsins hjá Samorku og er hann ætlaður starfsfólki aðildarfyrirtækja. Drög að dagskrá: Ávarp stjórnarformanns Samorku – Kristín Linda ÁrnadóttirVerkefni ársins á borði Samorku og framundan – Finnur Beck framkvæmdastjóriValin ráð og hópar kynna afrakstur starfsins á árinu á myndbandsformi Öryggisráð Vindorkuhópur Vatnsveitufagráð Hópur um aðgerðaáætlun í loftslagsmálum TTR Netmálar REMIT: Hvað þýðir þetta fyrir okkur? – Katrín Helga Hallgrímsdóttir, lögfræðingur SamorkuHvað kom upp úr kössunum? – Björn Ingi Hrafnsson á Viljanum og Þorbjörg Sigríður Gunnlaugsdóttir þingmaður rýna í niðurstöður kosninga Að loknum fundi verður glæsilegt jólahlaðborð að hætti hússins ásamt fordrykk. Sjá má það sem boðið verður upp á á hlaðborðinu hér neðar á síðunni. Vinsamlegast sendið línu á lovisa@samorka.is ef þið eruð með ofnæmi eða aðrar sérstakar þarfir hvað varðar matinn. The Reykjavík EDITION er fimm stjörnu hótel í miðborginni. Hótelið er allt hið glæsilegasta og er Desemberfundurinn kjörið tækifæri til að koma og upplifa það sem það hefur upp á að bjóða. Þess má geta að lesendur Condé Nast Traveler völdu nýverið hótelið það þriðja besta í Evrópu. Skráðu þig á hátíðlega og skemmtilega Samorkustemningu eftir kosningasprettinn! Nafn Netfang Fyrirtæki Ég mæti á Desemberfund Samorku (verð 3.900) Ég mæti á jólahlaðborð EDITION (verð 18.900) Ég tek með gest/maka á jólahlaðborðið (verð 18.900) Δ HÁTÍÐARHLAÐBORÐ THE REYKJAVIK EDITION Kaldir forréttir: Úrval af síld með rúgbrauði Reyktur og grafinn lax með graflaxsósu Hangikjöt með kartöflum og uppstúf Hreindýrapaté með sultu og ristuðu brauði Laufabrauð og úrva af nýbökuðu brauði Súpur og salöt: Hjartasalat með hindberjum og kampavínsdressingu Sérvaldir íslenskir ostar og kruðerí Kremuð sveppasúpa Waldorfsalat Kokkaborð: Lambalæri með trufflu kartöflumús og rauðvínssósu Purusteik með brúnni sósu Aðalréttir: Grillaður þorskur með dill- og sítrónusmjörsósu Confit andaleggur með hoisin gljáa Gljáður hamborgarhryggur Grænkeraréttir í boði Meðlæti: Brúnaðar kartöflur Gulrætur og grænar baunir Púrtvínsbrasserað rauðkál Sætir bitar: Dökk súkkulaðimús með karamellu crémeux og súkkulaðiperlum Ostakaka með jarðarberjum, tímían og basilíku Ris á l’amande með heitri kirsuberjasósu Heimagerðar sörur Fordrykkur: Glas af Prosecco eða freyðite Einnig innifalið: EDITION x Kaffitár kaffi og te, vatn og sódavatn
Birtuorka og batterí Samorka býður til opins tæknifundar um sólarorku, rafhlöðulausnir og samspil þeirra við dreifikerfi raforku miðvikudaginn 28. ágúst kl. 9.30. Dagskrá: Tækninýjungar í sólarorku – Bergur Haukdal, NetBergÁhyggjur af bakspennu – Kjartan Rolf Árnason, RARIKRafhlöðulausnir og álagsstýring – Ólafur Davíð Guðmundsson, OrkanSpurningar og umræður Fundarstjóri: Lovísa Árnadóttir Hægt er að velja um að horfa á fundinn í streymi eða mæta á staðinn. Boðið verður upp á léttar veitingar fyrir þá sem mæta. Vinsamlegast skráið ykkur hér svo hægt sé að áætla veitingar. Upptaka af fundinum:
NORDIWA 2024 Norræna vatnsveituráðstefnan verður haldin í Kaupmannahöfn dagana 18. – 20. september 2024. Að ráðstefnunni standa norræn vatnsveitusamtök. Nánari upplýsingar um dagskrá og annað fyrirkomulag má sjá á heimasíðu ráðstefnunnar.
